14-03-2024, નાગપુરરાષ્ટ્રીય સ્વયંસેવક સંઘની વાર્ષિક અખિલ ભારતીય પ્રતિનિધિ સભાનું ઉદ્ઘાટન 15 માર્ચે વિદર્ભના નાગપુર (મહારાષ્ટ્ર)ના રેશિમબાગમાં ‘સ્મૃતિ ભવન’ સંકુલમાં થવા જઈ રહ્યું છે.

પ્રતિનિધિ સભાના મહર્ષિ દયાનંદ સરસ્વતી ઓડિટોરિયમ સંકુલમાં આયોજિત પ્રદર્શનનું ઉદ્ઘાટન રાષ્ટ્રીય સ્વયંસેવક સંઘના સરકાર્યવાહ દત્તાત્રેય હોસાબાલે દ્વારા ગુરુવાર 14 માર્ચે સવારે કરવામાં આવ્યું હતું. આ અવસરે સંઘના અખિલ ભારતીય પ્રચાર પ્રમુખ સુનીલજી અંબેકર અને સહ-પ્રચાર પ્રમુખ નરેન્દ્ર કુમારજી અને આલોક કુમારજી પણ ઉપસ્થિત રહ્યા હતા. આ પ્રદર્શનમાં ભારતીય સંસ્કૃતિની ઝલક આપતી પ્રતિકૃતિઓ, પૂર્વ પ્રચારકોના જીવનચરિત્ર, ડાયગ્નોસ્ટિક સેન્ટર, સેવા વિભાગ, લોક કલ્યાણ સમિતિના પ્રોજેક્ટ વિશે માહિતી આપવામાં આવી છે તથા પર્યાવરણ, સમરસતા, મહાવિદ્યાલીન આયામ, સ્વાવલંબી ભારત અભિયાન અને વિવિધ સેવા સંગઠનોના ઉપક્રમ દર્શાવવામાં આવ્યા છે.